咱厝人唱咱厝歌
蒲庭龍
咱厝人唱咱厝歌 歌詞
作詞：蒲庭龍
作曲：蒲庭龍
咱講同款的話咱唱同款的歌
因為阮是閩南人咱厝人愛唱咱厝歌
咱有同款的夢咱是愛拼的閩南人
因為有你的掌聲相捧阮的夢才會越來越紅
咱厝的閩南歌溫暖到你感動到我
每一句攏是在唱出阮心聲
將阮的心事講乎大家聽啊~
人生好像一條歌免去計較是輸是贏
只要用情用心來咱厝的歌
總有一天咱嘛是會第一名
---------------------------- --------------
《咱厝人唱咱厝歌》Lán-tshù-lâng Tshiùnn Lán-tshù Kua
蒲庭龍Pôo Tîng-liông
咱講仝款的話
lán kóng kāng-khuán ê uē
咱唱仝款的歌
lán tshiùnn kāng-khuán ê kua
因為阮是閩南人
in -uī gún sī Bân-lâm-lâng
咱厝人愛唱咱厝歌
lán-tshù-lâng ài tshiùnn lán-tshù kua
咱有仝款的夢
lán ū kāng-khuán ê bāng
咱是愛拼的閩南人
lán sī ài piànn ê Bân-lâm-lâng
因為有恁的掌聲相捀
in-uī ū lín ê tsióng- siann sio-phâng
阮的夢才會愈來愈紅
gún ê bāng tsiah ē jú lâi jú âng
咱厝的閩南歌
lán-tshù ê Bân-lâm kua
溫暖著你
un-luán tio̍h lí
感動著我
kám-tōng tio̍h guá
每一句
muí tsi̍t-kù
攏是咧唱出阮心聲
lóng-sī teh tshiùnn-tshut gún sim-siann
將阮的心事
tsiong gún ê sim-sū
講予逐家聽
kóng hōo ta̍k-ke thiann
人生就像一條歌
jîn-sing tō-tshiūnn tsi̍t-tiâu kua
免去計較是輸是贏
bián khì kè-kàu sī su sī iânn
只要用情用心
tsí-iàu iōng tsîng iōng sim
來唱咱厝的歌
lâi tshiùnn lán-tshù ê kua
總有一工
tsóng ū tsi̍t-kang
咱嘛是會第一名
lán mā sī ē tē-it-miâ