一 生 所 愛 ？ ！ (粵)

編曲：秦小站
混音：秦小站
紫霞：神仙呀？
紫霞：妖怪？
紫霞：唔該！
至尊寶：哎！盤絲洞唔好亂闖！
紫霞：盤絲洞？你掐我唔識字呀？ “水簾洞”呀。

至尊寶：Hi，呢個月光寶盒呢……
紫霞：我個囉！
至尊寶：嚇？
紫霞：講咗架喇，呢度所有嘢都係我架嘛，你想點呀？
至尊寶：冇……，我聽見你話想走
唔知可唔可以帶埋我……
紫霞：你又畀人追殺呀？
至尊寶：我趕住去救人呀！
紫霞：救邊個呀？
至尊寶：救我娘子囉！
白晶晶吖嘛！你識佢架！
紫霞：唔識！
至尊寶：我知！但係你遲啲就識架喇
因為佢會做咗你徒弟吖嘛，重有呢個寶盒……
紫霞：我架！
至尊寶：我知！但係其實，系我畀咗你
然之後你再喺嗰個時候畀返我
先至有我返番到嚟家嚇呢度畀返你咋嘛
你明唔明啫？
紫霞：我明呀！你黐線架！

至尊寶：總之你帶埋我走啦。
紫霞：我點解要對你咁好啫？
至尊寶：噉你係我主人
你走咗我一個人留喺度有咩意思？
紫霞：系咩？坐吖！地下！手！乖呀嚇
一陣呢買過件新衫畀你返去見你娘子哩。
吠呀！
至尊寶：汪！
紫霞：投入啲啦！
至尊寶：汪汪！汪汪汪汪汪！汪汪！

紫霞：段姻緣系上天安排大曬架嘛！
嗱，你而家呢
就唯有撇咗你嗰個老婆，跟我一齊走。
至尊寶：都好㖞。
紫霞：好呀？
至尊寶：好好添嗱直情。
紫霞：嗱，噉我哋而家開始大家呢段感情囉㖞。
至尊寶：即刻開始吖。
紫霞：噉我哋錫啖先啦。
至尊寶：聽見就興奮啦。
紫霞：嚟呀。

紫霞：再行前半步嘅話，我殺咗你！
至尊寶：你應該噉做！我亦應該死！
曾經有一份至真嘅愛情擺喺我面前，我冇珍惜。
到冇咗嘅時候，先至後悔莫及。
塵世間最痛苦莫過於此。
你把嘢喺我喉嚨度拖落去啦，
唔需要猶疑架啦！
如果個天可以畀個機會我返轉頭嘅話
我會同個女仔講三個字：
我愛你！
如果係都要喺呢份愛加上一個期限
我希望系……一萬年！