碧海狂僧(非凡腔)

作曲：古曲

追尋我愛呀...
飄紅飄紅飄紅姐呀
情可哀情可哀哀哀情愛
好比一座斷頭台哭煞淒涼一粉黛呀
遭情所累惹愁哀
恩也哀義也哀
一點恩情萬種哀哀我身世未明
尚把菩薩愛今日得明真相
仲唸什麼喃嘸阿彌陀
仲拜什麼西方佛如來

阿飄阿飄阿飄紅紅姐你快歸來
知否我狂風暴雨也追踪來
倘若難尋嬌所在
我就袈裟唔著寧願入棺材
飄紅飄紅飄紅飄紅
我誓覓姐歸你飛天我都飛天
你跳海我都跳海罷姐姐呀

飄紅
哀我力呀竭聲嘶
依舊人兮不見
徒見碧海呀...潮來
莫不是飄紅紅紅姐
佢都早已飄飄呀飄
飄入鱷魚腹內
莫不是飄飄飄紅呀紅姐
佢紅紅紅紅就紅到龍王請佢
入水底登台哀呀哀此僧人
我萬喚千呼都不見有人應應我一聲
哎吔和尚我愛
哎吔吔哀此僧人
比個濟公還邋遢
老泥幾寸仲加多尺幾厚青苔
哎吔天天天我苦為誰來
總是受盲婚之害呀...

不勝惆悵話娘胎
指腹為婚嗰一段盲盲盲盲盲目愛
十六歲姑娘大姐配一個小童孩
試問十八年長
你話誰誰誰誰誰等待呀
一個珠黃人老囉噃一個至情竇初開

最慘是一個身世明了
一個就濛濛濛濛佢蒙於鼓內
我有我去尋求對象
佢有佢去抱恨呀樓台
唉佢造就我都共秋蟬
佢毫無妒意只有密嚼
密嚼密嚼恨與哀
空嗟嫁夫乃近水一樓台
可是愛愛非所愛難談愛
一個憂憂怨怨一個恩恩愛愛
芳心空有十八載恩愛佢淒酸滿載
反作月老月老牽絲線笑中淚掛腮
哀哀我心十八載對她作乳娘待
不知到她乃我底妻房
唉我為愛常重愛都偏負愛
痴心偏向柳妹愛
誰料情侶也知內裡
佢薄倖對我都突飛來
良緣是惡緣我恨似呆
估道情侶負我所愛
估道朋友奪我所愛
解我愁心如死遁走遁走蓮台拜如來
誰知內裡有愁哀一雙妻房甘讓愛
試問誰酸誰苦辣我都分不開來
我覺得姐姐飄紅對我有真情愛
休道盲婚啞嫁不應該嬋妹也甘心
佢投向禮教藩籬內
我呢個鵬郎又何惜步跟來
莫到人老珠黃我也背住個袈裟袋呀
飄紅抱吾多載我抱番佢都亦應該
我大叫狂呼尋舊愛飄紅姐姐
請你及...早呀歸...來
未婚妻呀未婚妻盼望你可投吾懷...內

咪話僧人娶婦就不應該
我話頭髮依然頂上蓋
咪話年齡相差有十數載
我話老婆越老越可愛
姐你有青春有熱情
四十唔嫁我當你係小孩
我要報姐恩報姐情
一腳踢開嗰個佛如來
飄紅飄紅飄紅飄紅人在哪方
你你你你你你. ..
你你快快快快出來呀...