宮主刁蠻駙馬驕

作詞：佚名
作曲：古曲

(公主今日就係我哋倆個人成親嘅好日子呀
所謂大登科金榜題名小登科洞房花燭
春宵一刻值千金公主你好應該請為夫入房㗎嘛)

(哈駙馬)
(嚇)
(你今日嘅駙馬爺系點樣得返嚟㗎)
(皇帝封㗎啦)
(哈若果唔係本公主奏知父王你想做駙馬都怕幾難嘞)
(嚇)
(如此說來應該你請本公主入房至啱呀)
(乜嘢話男人大丈夫七尺昂藏叫我請你入房真係笑話嘞
你請我入房至啱㗎公主)
(哈咁言則上你即係唔肯請本公主入房啦)
(幾大都唔請一於唔請)

激氣激氣令奴難下氣點忿氣相請你點忿氣相請你
哼你不請我就唔呀唔入去對唔住夜啲啦
夜啲夜啲風猛就冷到你死
哈哈我死呀我死我死就需要你執手尾
等你等你就成世獨守香閨裡
嗰陣揾人共你冚被嘞
哈我未必要你
我未必要你大可以離異
我未必一定要有妻子
你負愛負約不怕死怕你未敢逆我君聖旨
哼前程盡棄好應快快離異
你咪當閒事你太不是你太不是你太不重禮儀
哼你你你你未識情義
實在無味實在無味
你應該要常記起應該要常記起
(記乜嘢呀)
我有話過㗎我要你受氣呀
我為咗愛你就立亂騙你等你嫁入我屋企啦
一於我論正家規將你訓示
(怕未)
舊約推翻你都要顧住
(好嬲咩)
你即管憤怒我一於系少理啦
乜得咁易你應該共我面君再辯詞
(好呀)
我同你去面帝皇判教一死

(你真係敢同我見父皇我係皇帝女皇帝都要就我幾分呀)
(我夠系駙馬咯你當我腐竹呀去咪去)
(哈你你你蝦我你唔請我入房
我自己入你喺外邊諗清諗楚啦)
(喂喂喂喂餵公主咁我呢
你就高床暖枕淨番我喺度挨凍呀
唔係啦俗語話兩公婆打交床頭打交床尾和
拍門就有房瞓嘞餵)

(公主開門呀)
(邊個呀)
(駙馬爺呀)
(哦除非你斟茶認錯啦唔係你就快啲躝屍呀)

唉真係奇奇奇嬌妻叫我話去躝屍的確係奇
嬌妻叫我話去躝屍的確係奇
你係都唔認錯就凍到你死啦
咁樣搞法確係奇
嗱良辰容易過良辰容易過噃
你乜咁笨唔願理你真冤氣

夫妻鬥氣講和唔容易
共訂白頭時常鬧嚇咪當耍花槍根本無問題
若果時時就你蝦我激我一世咁就難下氣我都不想理啦

我哋我哋夫妻要和氣親蜜莫過存心激氣呀
你個冤家真正系太奀皮
嘻嘻其實係倆公婆激乜鬼氣呀
我共你講得咁多費事成成日費心機
嚟啦嚟啦
嚟啦
嘻嘻我哋我哋倆夫妻
相親相愛到白眉