萬惡淫為首之乞食

作詞：佚名
作曲：古曲

唉冷得我騰騰震
真係震到入心
唉心酸我重發緊冷
乜好似腳軟難行
乜點解行行又似覺
好似身不穩
點揾得到各位善長人翁
希望你做一點好心
心中嗟怨
都算系逢左個絕運
系我運蹇時乖
都不幸作了盲人

(施捨嚇喇先生
可憐嚇喇大姑陰工咯)

唉正係人逢絕境都一定多哀感
我自己感懷身世都本想佢自輕生
一個人生生死死都本係無足恨
恨我心頭仍掛我有位老父未歸臨
我記得佢臨行佢對住我諄諄訓
訓示話攬過床頭都算得父母恩
恩恩怨怨不敢把我娘記恨

恨佢恩將仇報
知我者惟有三尺
既靈神正系神鑒諒我心
暗自告禀
哎呀天公得許父相見
話過今生死也無怨憾
我自甘委屈我自甘生作墮落人
呢佢對我雖黑心
知我對佢真恩深
我願爹媽兩相印
我願爹媽休怒憤
我就為求庇蔭我就為求庇蔭
今日誤我呢一世禍起只謂系淫
唉我自嗟暗自還帶恨

福心呢好心呢
可憐嚇呢個盲眼嘅乞兒仔呢
真飢餓囉又淒涼呀哩
少奶先生有乜冷飯菜汁施捨嚇喇

邊個好心啦打救嚇呢個盲人
褔心更善心你哋救苦就又救貧
我望求做點好心還我貧共困
保佑你哋生意滔滔一本就賺萬金
保佑你哋長年富貴都越舍還重有
我自嘆今生不幸真感激各位大貴人