提酒矸过日子
办桌二人组 (Pan toh Ji jin tsoo)
提酒矸过日子 歌词
作词：李岩修
作曲：徐嘉良
已经经过这多年 不知爱情是什么
因为爱你 过著流浪的日子
伴着野狗过冬天
早就一个人寂寞惯习
接受命运的创治 一切拢顺天的意
因为爱你 只求会冻感动天
转送对你的爱意 乎你抹离开阮的身躯边
提酒矸过日子 狠酒喝落去
茫茫抹清醒卡抹艰苦过日子
提酒矸过日子 酒搁喝一嘴
大声对你讲我是这呢呀爱你
------------------------------------------
《捾酒矸过日子》Kuānn Tsiú-kan Kuè-ji̍t-tsí
办桌二人组Pān-toh Jī-jîn-tsoo
捾酒矸过日子
kuānn tsiú-kan kuè ji̍t-tsí
酒阁啉一喙
tsiú koh lim tsi̍t-tshuì
大声对你讲
tuā-siann tuì lí kóng
我是遮尔仔爱你
guá sī tsiah-nī-á ài lí
-
已经经过遮济年
í-king king-kuè tsiah tsuē nî
毋知爱情是啥物
m̄-tsai ài-tsîng sī siánn-mih
因为爱你
in-uī ài lí
过著流浪的日子
kuè tio̍h liû-lōng ê ji̍t-tsí
伴着野狗过冬天
phuānn tio̍h iá-káu kuè tang-thinn
早就一个人
tsá tiō tsi̍t-ê-lâng
寂寞惯势
tsi̍k-bo̍k kuàn-sì
接受命运的创治
tsiap-siū miā-ūn ê tshòng-tī
一切拢顺天的意
it-tshè lóng sūn thinn ê ì
因为爱你
in-uī ài lí
只求会当感动天
tsí kiû ē-tàng kám-tōng thinn
转送对你的爱意
tsuán-sàng tuì lí ê ài-ì
予你袂离开阮的身躯边
hōo lí bē lī-khui gún ê sin-khu-pinn
捾酒矸过日子
kuānn tsiú-kan kuè ji̍t-tsí
雄酒啉落去
hiông-tsiú lim--lo̍h-khì
茫茫袂清醒
bâng-bâng buē tshing-tshínn
较袂艰苦过日子
khah buē kan-khóo kuè ji̍t-tsí
捾酒矸过日子
kuānn tsiú-kan kuè ji̍t-tsí
酒阁啉一喙
tsiú koh lim tsi̍t-tshuì
大声对你讲
tuā-siann tuì lí kóng
我是遮尔仔爱你
guá sī tsiah-nī-á ài lí