浪子嬌娃

原自日語歌曲お久しぶりね

作詞：黃霑
作曲：杉本真人

今晚去食西餐，一心將嘢扮；
迫得佢緊，做到真，沖開她心里關！
一於熨滑裇衫，西裝漿到硬；
交出個心，任佢審，誓奪那嬌娃返！

用足哂招，今晚心扉不會閂；
讓她個心，今晚即刻轉彎。
為博淑女笑一笑，千金不會慳，
愛意溢滿心間！

落足心機，令佢好歡喜，
招呼一秒不怠慢。
願意一心，為佢乜都肯，
伴她天天拍拖噎飯！

今晚去食西餐，一心將嘢扮；
追得佢緊，做到真，沖開她心里關！
一於熨滑裇衫，西裝漿到硬；
交出個心，任佢審，誓奪那嬌娃返！

逢山過山，一於博命闖過關；
讓她個心，今晚即刻冇摱！
為博淑女愛一世，幾大都跳班，
示愛就靠今晚！

落足心機，令佢好歡喜，
招呼一秒不怠慢。
願意一心，為佢乜都肯，
伴她天天拍拖噎飯！

落足心機，令佢好歡喜，
招呼一秒不怠慢。
願意一心，為佢乜都肯，
伴她天天拍拖噎飯！