老伴

作詞：武雄
作曲：陳玉立

坐咧就哈噓倒落煞困袂去
見講攏講過去啊講完就隨袂記
閒就看電視愈看是愈生氣
越咧就欲出去擱不知欲去叨位

人老是會當創什麼歸工閒閒咧吃了米
有人退休是享受天年你是閒閒置彼托嘴齒

人老不是什麼大代誌只是加一副假嘴齒
麥講我吃老剩一支嘴我頭殼內底有智慧

人老欲按怎過日子家在我身邊還有你
世間冷暖攏放放乎去咱無煩無腦吃百二
(世間冷暖攏放放乎去咱無煩無腦吃百二)

------------------------------------------- ------

《老伴》Lāu-phuānn
豬哥亮Ti-ko-liāng (謝新達Siā Sin-ta̍t)

坐咧就哈唏
tsē--leh tō hah-hì
倒咧煞困袂去
tó--leh suah khùn bē khì
見講攏講過去
kiàn kóng lóng kóng kuè-khì
啊講完就隨袂記
ah kóng-uân tō suî buē-kì

閒就看電視
îng tō khuànn tiān-sī
愈看是愈受氣
jú khuànn sī jú siūnn-khì
斡咧就欲出去
uat--leh tō beh tshut-khì
閣毋知欲去佗位
koh m̄-tsai beh khì tó-uī

人老是會當創啥物
lâng lāu sī ē-tàng tshòng siánn-mih
規工閒閒食了米
kui-kang îng-îng tsia̍h liáu-bí
有人退休是享受天年
ū-lâng thè-hiu sī hiáng-siū thian-nî
你是閒閒佇遐戳喙齒
lí sī îng-îng tī hia thok tshuì-khí

人老毋是啥物大代誌
lâng lāu m̄-sī siánn-mih tuā tāi-tsì
只是加一副假喙齒
tsí-sī ke tsi̍t-hù ké- tshuì-khí
莫講我食老䞐一支喙
mài kóng guá tsia̍h-lāu tshun tsi̍t-ki tshuì
我頭殼內底有智慧
guá thâu-khak lāi-té ū tì-huī

人老欲按怎過日子
lâng lāu beh án-tsuánn kuè ji̍t-tsí
佳哉我身邊猶有你
ka-tsài guá sin-pinn iáu-ū lí
世間冷暖攏放放予去
sè-kan líng-luán lóng pàng-pàng hōo khì
咱無煩無惱食百二
lán bô huân bô ló tsia̍h pah-jī
---

世間冷暖攏放放予去
sè-kan líng-luán lóng pàng-pàng hōo khì
咱無煩無惱食百二
lán bô huân bô ló tsia̍h pah-jī