雲 歌詞
作詞：江惠儀
作曲：江惠儀
看袂清也摸袂著伊的身軀有偌高抑偌遠嘛袂凍計算
無人知伊到底是啥物身份每一工無暝無日攏無歇困
無人借問也無朋友
無聊的雲戴著追求自由的面具
煽動著你的我的無助的憂悶無需要允准
寂寞的雲畫著真假難分的面腔
搝搦著你的我的空虛的緣份由在伊按算落手無躊躇
伊總是為咱的遭遇流目屎伊總是為著不平感覺憤慨
你毋知啥物故事經過誰的設計安排
何時行入何時離開你的秘密攏被公開
伊看咱泅佇無邊無岸無解的命運
戲弄著你的我的無助的靈魂無需要顧慮
伊看咱搬著這齣揣無未來的劇本
舞弄著你的我的空虛的青春袂為咱保留半點攏無䞐
咱永遠走袂離伊造的世界
