go咋了hay OT

Tashvish kelsa, birdam bir dona xalqmiz,
Haq deb yashar, fe'li durdona xalqmiz.
Ey yurtdoshlar, qadni mag`rur tutaylik,
Zahmatlarni yenggan mardona xalqmiz.

O`tar bu kun yomon tushga aylanib,
Qolmas sira bahor qishga aylanib.
Birlashaylik ko`rinmas yovga qarshi,
To`marisu Alpomishga aylanib.

Go`zal hayot davom etmog`i uchun,
Yurt otasin elga da'vati bugun.
Azizlarim, bizdan temir intizom,
Shunda aslo tonglarimiz bo`lmas shom.

Go`zal hayot, go`zal hayot,
Go`zal hayot davom etmog`i uchun.
Sabru sabot, sabru sabot,
Sabot bilan ko`rsating xalqning kuchin.

Dilda vafo, sadoqatlar ko`paydi,
Muruvvatlar, sahovatlar ko`paydi.
Xasta jonlar tuzalmoqda kun sayin,
Umidbaxsh, zo`r jasoratlar ko`paydi.

Sabr kuchin ko`rsating uyda qolib,
Bu dardlardan shunda bo`lgaymiz g `olib.
Mehnatdadir shifokorlar tunu-kun,
Yurtboshining mehridan quvvat olib.

Mehnatdadir qahramonlar tunu-kun,
Yurtboshining mehridan quvvat olib.

Go`zal hayot , go`zal hayot,
Go`zal hayot davom etmog`i uchun.
Sabru sabot, sabru sabot,
Sabot bilan ko`rsating xalqning kuchin.

Qutlug` yo`llar yorug` manzilga boshlar,
Ajdodlardan me'ros buyuk bardoshlar.
Bir musht bo`lib bitta maqsad yo`lida,
Irodamiz ko`rsataylik, yurtdoshlar.

Sinovlardan faqat nodon qochgaydir,
Dono hikmat eshiklarin ochgaydir.
Asl mard el og`ir kunda sinalgay,
Mardga Alloh rahmat nurin sochgaydir.

Duo qilar tinmay ota-onalar,
Bu kun rostga aylandi afsonalar .
Tez kunda qad rostlar ayting qay yurtda
Biznikiday ulkan shifoxonalar?

Go`zal hayot davom etmog`i uchun,
Yurt otasin elga da'vati bugun.
Azizlarim, bizdan temir intizom,
Shunda aslo tonglarimiz bo`lmas shom .

Go`zal hayot, go`zal hayot,
Go`zal hayot davom etmog`i uchun.
Sabru sabot, sabru sabot,
Sabot bilan ko`rsating xalqning kuchin.
Go`zal hayot, go`zal hayot,
Go`zal hayot davom etmog`i uchun.
Sabru sabot, sabru sabot,
Sabot bilan ko`rsating xalqning kuchin.