南國哀歌(鬥熱鬧)

作詞：鬥熱鬧
作曲：鬥熱鬧

所有的戰士已經死去，只䞐婦女佮子兒。
誰講這只是天大的奇變喔，誰講是起於一時，
人上珍重的就是性命，從來毋捌有人來將伊看輕，
這一擺會使咱的種族來滅亡，
佇怹的心內早就已經看明明。

佮怹仝款的遭遇，仝款生存佇不幸，
遐的驚死偷生的煞佇這屆血祭壇上，
意外得著生存，
誰敢相信這來來去去，就找袂出別款的原因？
“咱攏是歹命人！較緊走落山去！”
這是啥物語言？這是如何的決意！
是怨是仇？雖然不知，是妄是愚？哪著議論！
鬥陣戰到最後，敢是野蠻的血塊流？
是按怎的生不如死？突然間有這呼聲！

兄弟啊！來！來佮怹一拼！
憑咱的一身，憑咱的雙手！
免驚伊毒氣、機關鎗
免驚伊飛行機、炸彈
兄弟啊！憑咱的一身，憑咱的雙手！

所有的戰士攏覺悟來死去，
敢說怹真正野蠻無知？
看著鮮紅的血啊，就袂記一切的歡喜，
兄弟啊！咱到這個時候，閣有啥物生的快活？
勞動總是神聖的代誌，牛嘛只有按呢拖，
咱的婦女竟然是消遣品，咱的生活煞比狗較輸？
ta一個囝仔無天真可愛，鴨霸的怹煞來創治虐待，
算看覓咱所受痛苦，誰攏會感覺無限悲哀。

兄弟啊！咱著來佮怹一拼！
憑咱的一身，憑咱的雙手啊！
徛佇即馬的環境，只是偷生有啥物路用？
眼前的幸福雖然享袂到，嘛著為子孫來鬥爭！
兄弟啊！咱著來佮怹一拼！
憑咱的一身，憑咱的雙手啊！