慈母赤子心

9990/《慈母赤子心》Tsû-bú Tshik-tsú-sim
黃克林N̂g Khik-lîm

母親仔餵～
bún-tshin-á--uê~

阮細漢
gún suè-hàn
你就來驚阮寒
lí tiō lâi kiann gún kuânn
阮細漢
gún suè-hàn
你就來驚阮熱
lí tiō lâi kiann gún jua̍h
細漢你就來
suè-hàn lí tsiō lâi
驚阮來著猴損
kiann gún lâi tio̍h-kâu-sńg
驚阮來
kiann gún lâi
細漢來飼袂大
suè-hàn lâi tshī buē tuā

阿娘餵
a-niâ--uê
你付出的代價
lí hù-tshut ê tāi-kè
是遮爾仔濟
sī tsiah-nī-á tsuē
大漢閣驚阮來
tuā-hàn koh kiann gún lâi
無某來通好娶
bô bóo lâi thang-hó tshuā
上驚阮食酒
siōng kiann gún tsia̍h-tsiú
來開快車啦
lâi khui khuài-tshia--lah
上驚阮出門
siōng kiann gún tshut-mn̂g
佮人冤家相拍啦
kah lâng uan-ke sio-phah--lah
上驚阮事業失敗
siōng kiann gún sū-gia̍p sit-pāi
負債來拖
hū-tsè lâi thua

如今我嘛驚
jû-kim guá mā kiann
驚阮的阿娘喔
kiann gún ê a-niâ--ooh
頭毛一日一日白
thâu-mn̂g tsi̍t-ji̍t tsi̍t-ji̍t pe̍h
驚阮的阿娘喔
kiann gún ê a-niâ--ooh
閣有路閣袂曉行
koh ū-lōo koh buē-hiáu kiânn
驚阮的阿娘餵
kiann gún ê a-niâ--uê
白飯閣攏袂食
pe̍h-pn̄g koh lóng buē tsia̍h
上啊驚阮阿娘餵
siōng--ah kiann gún a-niâ--uê
身體袂勇健
sin-thé buē ióng-kiānn

爸仔母晟囝似啊春曦
pē-á-bú tshiânn-kiánn sū--ah tshun-hi
散發彼個慈光啊
sàn-huat hit-ê tsû-kong--ah
沐啊樹枝啊
bo̍k--ah tshiū-ki--ah
須啊知彼個飲水思啊源意喔
su--ah ti hit-ê ím-tsuí su--ah guân ì--ooh
達成彼個親望答啊春暉
ta̍t-sîng hit-ê tshin-bōng tap--ah tshun- hui
阿娘的恩情重啊如山咧
a-niâ ê un-tsîng tiōng--ah jû san--leh
阿娘的親情深似海
a-niâ ê tshin- tsîng tshim sū hái
慈愛的笑容
tsû-ài ê tshiò-iông
懷念是在心中
huâi-liām sī tsāi sim-tiong