阿嬤的名

作詞：陳碩彥
作曲：陳碩彥
編曲：張振傑

天色漸漸光

天色漸漸光露水凍雙手
同款的情景漸漸消失在眼前
細漢的時袸教阮講話教阮來學行
一步一步慢慢牽阮走

有時驚阮寒有時驚阮熱一暝一吋甲阮看
總是一雙手溫暖的笑容惦惦陪在阮身邊
辛苦甲阮晟希望望阮大阿嬤永遠是靠山
感謝有你來疼惜輕輕叫著阿嬤的名

-- ------------------------------------------------

《阿媽的名》A-má ê Miâ
朱海君Tsu Hái-kun

天色漸漸光
thinn-sik tsiām-tsiām kng

天色漸漸光
thinn-sik tsiām-tsiām kng
露水凍雙手
lōo-tsuí tàng siang-tshiú
仝款的情景
kāng-khuán ê tsîng-kíng
漸漸消失在眼前
tsiām-tsiām siau-sit tsāi gán-tsîng

細漢的時陣教阮講話
sè-hàn ê sî-tsūn kà gún kóng-uē
教阮來學行
kà gún lâi o̍h kiânn
一步一步
tsi̍t-pōo tsi̍t-pōo
慢慢牽阮行
bān-bān khan gún kiânn

有時驚阮寒
ū-sî kiann gún kuânn
有時驚阮熱
ū-sî kiann gún jua̍h
一暝一寸共阮看
tsi̍t-mî tsi̍t-tshùn kā gún khuànn
總是一雙手
tsóng-sī tsi̍t-siang-tshiú
溫暖的笑容
un-luán ê tshiò-iông
恬恬陪佇阮身邊
tiām-tiām puê tī gún sin-pinn

辛苦共阮晟
sin-khóo kā gún tshiânn
希望望阮大
hi-bāng bāng gún tuā
阿媽永遠是靠山
a-má íng- uán sī khò-suann
感謝有你來疼惜
kám-siā ū lí lâi thiànn-sioh
輕輕叫著阿媽的名
khin-khin kiò tio̍h a-má ê miâ