Quant me souvient

Quant me souvient de votre noble atour
Tres gente flour que sur toutes je pris
Je me sens tout si grandement espris
Que sui a la mort trait de votre amour
Se par vous n' en soie bien tost retrait
De celle ardour qui me tient tres tout pris
Quant me souvient de votre noble atour
Tres gente flour que sur toutes je pris
Se vous suppli que vo vis qui me trait
chiere dame digne de tres grand pris
Puisse veoir comme votre humble pris
Car par ma foi si come vous ay retrait
Quant me souvient de votre noble atour
Tres gente flour que sur toutes je pris
Je me sens tou si grandement espris
Que sui a la mort trait de votre amour