More Than Magic

紙筆，一直喺上帝嘅手上
點解突然要畫到咁抽象
你最好要飛高啲
問下上帝點解會OD
面對權威唔需要退幾步
虛構嘅信仰模糊你嘅對比度
分唔清黑白連上帝都感冒
你嘅信仰病倒，講者指引你下一步
第一步，粉碎對毀滅嘅恐懼
接受大自然重新洗牌嘅秩序
然後攞信念去殺死你嘅神
用希望去拯救處於絕望中嘅人
萬能嘅人，你需要慎重
我已經將個地球調咗震動
俾時間你諗一陣
到時候我會淘汰一部分
Fat B Verse:
距離被拉近，生命繼續延伸
財富被平分，秩序將會變得全新。全因
可以被改變，用意志去改善
命運可以被改遷，末日可以改天
首先，要你哋相信
科技嘅進步，表示資源即將會盡耗
人類越進步，越早自掘墳墓
人類係神造，被灌上思想嘅泥土
經過昇華，只會留低精華，思想需要淨化
傾聽大自然嘅聲音，心靈需要靜下
撥開迷霧，換個頻道，唔需要多餘消耗
事實唔經過小道問題一眼睇到
光明指引迷途，預言者無數
世界大同嘅信念打通末路變成通道
我哋無需好似一份通稿咁樣活著終老
2013抽根俾大家嘅忠告
Vyan Verse:
文明失去光澤，越發顯得蒼白
時代到咗末法，抹殺所有活法
改變不容拖沓，你心中存有魔法
用知識建巴別塔，上天搵上帝問責
你身邊，係鏡像。將佢撕碎，踩鏡上
最真實嘅影像，需要光，去點亮
我勉強從地獄底部睇到少少光亮
需要你嘅信念令光明膨脹
個世界嘅劇本去到末日橋段
仲未完，你就係神個劇本要你寫完
冇錯，呢個絕對唔係一個謠傳
星星之火隨時都可以燎原
災難唔係命運，善惡總會平衡
人性唔需要明文，真理唔需要影印
今日嘅果，都係昨日嘅因
今日嘅因，係你未來嘅燈
Y-Man Verse：
太多嘢，太假喺我哋面前出現
太多變化太快冇留意到事物嘅側面
太多永遠有，太多嘅小把戲
太多狗屎垃圾唔該請你自理
呃唔到人哋，只係你自己呃到自己
巴菲特嘅財產用嚟買咗方舟船飛
太空總署否認外太空有宇宙船飛
弱肉強食嘅世界，無需顧及禮儀嘅尊卑
關於無限能源你覺得唔可能發生
特斯拉你唔知道你只知愛迪生
反物質你唔知道你只知需要物質
體力慢慢流失，精神陷入迷失
人類嘅外殼已經開始步入退化
大腦逐漸萎縮面對死亡感到害怕
仲有咩可以保護到你真身
信仰嘅烈火幫你提煉真金