愛驚醒

作詞：黃大軍
作曲：黃大軍
編曲：尤景仰

原來抉吃抉困的滋味是這款的模樣
原來消瘦落肉的我是這款的面
為多情的人憂鬱憂鬱的往往尚美麗
為何剛才摸得到幸福就過去

原來會哭會笑的美夢是彼簡單破碎
才知鐵打鋼練的心有軟弱的時
為心愛的人付出付出的往往是討債
最後怨天怨地怨自己抉曉想開

我敢用悲傷將美夢拆吃落腹幾落瞑
我驚日頭爬入窗驚酒後叫醒我的咖啡

我敢用未來將憂鬱拆吃落腹假歡喜
我驚無你的人生驚醒來你甲我已經老去

---------------------------------------- ------

《愛驚醒》Ài Kiann Tshínn
孫淑媚Sun Siok-bī

原來袂食袂困的滋味
guân-lâi buē-tsia̍h- buē-khùn ê tsu-bī
是這款的模樣
sī tsit khuán ê bôo-iūnn
原來消瘦落肉的我
guân-lâi siau-sán-lo̍h-bah ê guá
是這款的面
sī tsit khuán ê bīn
為多情的人鬱卒
uī to-tsîng ê lâng ut-tsut
鬱卒的往往上美麗
ut-tsut- -ê óng-óng siōng bí-lē
為何拄才摸會著幸福
uī-hô tú-tsiah bong ē tio̍h hīng-hok
就過去
tiō kuè--khì

原來會哭會笑的美夢
guân-lâi ē khàu ē tshiò ê bí-bāng
是彼簡單破碎
sī hiah kán-tan phò-tshuì
才知鐵拍鋼煉的心
tsiah tsai thih phah kǹg liān ê sim
有軟汫的時
ū nńg-tsiánn ê sî
為心愛的人付出
uī sim-ài ê lâng hù- tshut
付出的往往是討債
hù-tshut--ê íng-íng sī thó-tsè
最後怨天怨地怨自己
tsuè-āu uàn thinn uàn tē uàn tsū-kí
袂曉想開
buē-hiáu siūnn-khui

我敢用悲傷
guá kánn iōng pi-siong
將美夢拆食落腹幾若暝
tsiong bí-bāng thiah-tsia̍h-lo̍h-pak kuí-lō mî
我驚日頭入窗
guá kiann ji̍t-thâu peh ji̍p thang
驚酒後叫醒我的咖啡
kiann tsiú-āu kiò tshínn guá ê ka-pi

我敢用未來
guá kánn iōng bī-lâi
將鬱卒拆食落腹假歡喜
tsiong ut-tsut thiah-tsia̍h -lo̍h-pak ké huann-hí
我驚無你的人生
guá kiann bô lí ê jîn-sing
驚醒來
kiann tshínn--lâi
你佮我已經老去
lí kah guá í-king lāu--khì