日落後

編曲：黃瀚
VERSE 1：(Raynee)
一日個繁忙工作已經結束，太陽落山後月亮出來了
家家戶戶點起了燈火，還有數不盡個星星出來搭配
個夜怪短還有底塊毋捌去過，約朋友做一下來去行下
勿水吧唱K，抑是茶座滴茶，坐下诐下時間過來怪猛
今夜涼涼不如來去踏青，睇人踢球踢到通身花花
溜雪屐勿較猛透汝小心下，通日惦耍汝作業又寫好未
去超市日日攏有大降價，買無乜個此個月又血血
阿媽呾路邊燒烤毋衛生，夜深過馬路記得左右睇睇下
CHORUS：(宋亦樂)
日落後，來去散步
開只車，汕頭走一圈
走一圈，走一圈，走一圈
VERSE 2：(Mossa)
差毋多到下午晏五點外，上班族開始落班，學生開始在放學
條路開始來塞，開始有各種燈光
日日照常日日在循環，勞生勞死到此點鐘物正解放
未落班群人就此樣直，今夜愛來去底塊散漫
簇人除了食酒無乜消遣，零下去唱K隔兩日摸下麻雀
明旦日又著上班但是伊人無變，為了生活伊人著堅強
今夜幾外人坐磨诐下心事，勿呾公事啤酒嚕落去
面殼剝掉，此陣還早早，幾外個老丈夫繼續炒，上濟明旦日請假
CHORUS：(宋亦樂& AFinger)
日落後(日落後)
來去散步(來去散下步，來去散下步，來去散下步)
開只摩托車
汕頭走一圈(Let's go，let's go let's go)
VERSE 3：
過了今夜明旦日又著毋閒，生活中個壓力確實酷濟
安排家己個生活毋是向易，夗來莫明旦日又出現問題
有人在讀書有人做老師，個個攏有家己未完成個事
太多細節令汝無變去考慮，注意健康日夜莫顛倒去
此個社會就是此樣瘋狂，個個攏想愛情有變夕陽紅
為了活落去有人走去鑽牆縫，為了走落去思想變得荒唐
豈會知拍工囝生活怎然慘？ ！為了一口飯隔日著怎然滲
為了生活而拼搏個，此個世界不止我一人
CHORUS：
日落後(日落後)
來去散步(來去散下步)
開只車
汕頭走一圈(Let's go)
日落後(日落後噢)
來去散步(來去散下步愛勿)
開只摩托車
汕頭走一圈
Ending：
走一圈，走一圈，走一圈，走一圈
ROUND AND ROUND JUST ROUND AND ROUND
AND ROUND AND ROUND JUST ROUND AND ROUND AND
走一圈，走一圈，走一圈，走一圈
ROUND AND ROUND JUST ROUND AND ROUND AND
汕頭，走一圈