Press to Start 超級馬里奧

Verse1
一講到做英雄大家都激動
救地球, 鉆山洞, 殺惡龍
無敵嘅狀態, 好事你摞曬
換裝備, 升級蓄錢, 全靠打怪
一早確定咗你係啱嘅果個
就算出錯都可以將功補過
唔學就識, 仲要勁過人哋好多
同邊個都夾得埋, 唔理星座
加入嘅同伴, 都係又型又勁
大家都忠心耿耿大佬唔係自認
唔洗食飯沖涼去洗手間
唔洗換衫一路前行只要爬山
一場大冒險, 一把寶劍
加上各種大怪獸, 美少女轉身變
簡直就係一個為你而設嘅世界
好似夢一樣時間都過得好快
chorus
但係世界, 沒有super hero
但係世界, 沒有super hero
Verse2
超級英雄梗係受歡迎
咁鬼死勁完全破壞公平
平時, 要儘量去隱藏身份
影到佢嘅相就成為獨家新聞
你都好想成為佢, 加入五星戰隊
唔想朝九晚五, 希望拯救靚女
卡通片睇完啱, 翻譯好嘅新番
遊戲通多一周目天光又要上班
當你跑得冇人哋快, 能力冇人大
害怕失敗寧願lei埋, 穩個靠山依賴
想成為嘅自己響想像之中
響想像嘅世界先可以圓夢
對失敗嘅敏感, 對成功嘅冷感
你只想過得穩陣, 會害怕比人穩笨
逃避並非, 解決問題嘅方法
二次元唔會出售保護你嘅裝甲
Verse3
邊個動畫片嘅主角唔係勇往直前
邊個角色經過鍛煉冇增加技能點
想成為海賊王就先要離開村莊
就算你冇不死之身, 冇人係你知音
大家當你痴筋, 你都對自己有疑問
如果心入邊仲係有團火
就一定要出嚟試一個如果
開始與否完全受你控制
下定決心就行得唔洗入銀仔
困難唔係問題, 放棄先係最閉
冇得restart嘅人生要你堅持到底
點解打機咁興奮, 現實冇危機感
點解幻想做緊葉問, 現實要扮個病人
點解響腦海度想, 現實唔去行近
點解幻想成為英雄, 現實(卻)寧願做(個)凡人