野流星(黃鳳儀)

《野流星》Iá Liû-tshinn
黃鳳儀N̂g Hōng-gî

閃爍的野流星
siám-sih ê iá liû-tshinn
生活在烏暗天
sing- ua̍h tsāi oo-àm thinn
無論海角抑天邊
bô-lūn hái-kak ia̍h thinn-pinn
照亮別人燃燒自己
tsiàu-liāng pa̍t-lâng jiân-sio tsū-kí

浪漫的野流星
lōng-bān ê iá liû-tshinn
飛來飛去嬌滴滴
pue-lâi-pue-khì kiau-tih-tih
有愛的人放伊去
ū ài ê lâng pàng i khì
無情的人膏膏纏
bô-tsîng ê lâng ko-ko-tînn

散赤書生
sàn- tsiah su-sing
你毋通袂記
lí m̄-thang buē-kì
伊陪你讀冊讀規暝
i puê lí tha̍k-tsheh tha̍k kui-mî
江湖兄弟
kang-ôo hiann-tī
你毋通袂記
lí m̄-thang buē-kì
伊陪你走路走規暝
i puê lí tsáu-lōo tsáu kui- mî
忽然形影消失去
hu̍t-jiân hîng-iánn siau-sit--khì
無奈為伊心傷悲
bô-nāi uī i sim siong-pi

淡恨月圓
tām hūn ge̍h înn
輕怨冬天
khin uàn tang-thinn
沐雨櫛風
bo̍k-ú tsiat-hong
漂泊千里
phiau -po̍k tshian-lí
可愛可憐的野流星
khó-ài khó-liân ê iá liû-tshinn