Bärgsee

We d Vögel am Morge dr Tag besinge,
de lacht o mis Härz u i stimme i.
Zwe Flügu belade mit mine Gedanke,
trage mi id Witi vor Fantasie:
I flüge über z Land, gseh Bärge u Schnee
gseh Matte vou Blueme, es Plätzli am See.
Mis Härz het endlich z Stür überno,
säg wetsch du mit mir a de Bärgsee cho?
So klar wie ne Bärgsee gsehni di vor mir,
mini Ouge sie lüchte u sie strahle für Di.
So klar wiene Bärgsee, weissi dassi di gärn ha,
so klar wiene Bärgsee, mmmmhh so klar.