歸船
吳晉淮
歸船 歌詞
作詞：週添旺
作曲：日本人
想彼日月出雲縫照著哀愁咱雙人
我知你忍耐苦痛送我來出帆
我也是抱著希望和你暫時分東西
到今夜船又入港心情全輕鬆
自別後心頭袂定月下船頂孤單行
也袂得見你面影暗叫你的名
這也是你咱運命才著給你費心晟
到今夜船已落錠聽你的歌聲
相見面寂寞心理親像海鳥飛上天
傷心話盡量講起一日像一年
重相逢在這海墘悲喜交集目屎滴
自今夜歡歡喜喜合唱青春詩
------------------ ------------------------
《歸船》Kui Tsûn
吳晉淮Ngôo Tsìn-huâi
想彼日月出雲縫
siūnn hit-ji̍t ge̍h tshut hûn-phāng
照著哀愁咱雙人
tsiò tio̍h ai-tshiû lán siang-lâng
我知你忍耐苦痛
guá tsai lí jím-nāi khóo-thàng
送我來出帆
sàng guá lâi tshut-phâng
我也是抱著希望
guá iā-sī phāu tio̍h hi-bāng
佮你暫時分東西
kah lí tsiām-sî hun se-tang
到今夜船又入港
kàu kim-iā tsûn iū ji̍p-káng
心情齊輕鬆
sim-tsîng tsiâu khin- sang
自別後心頭袂定
tsū pia̍t-āu sim-thâu buē tiānn
月下船頂孤單行
ge̍h-hā tsûn-tíng koo-tuann kiânn
也袂得見你面影
iā buē-tit kìnn lí bīn-iánn
暗叫你的名
àm kiò lí ê miâ
這也是你咱運命
tse iā-sī lí lán ūn-miā
才著予你費心情
tsiah tio̍h hōo lí huì sim-tsiânn
到今夜船已落碇
kàu kim-iā tsûn í lo̍h-tiānn
聽你的歌聲
thiann lí ê kua-siann
相見面寂寞心理
sio kìnn-bīn tsi̍k-bo̍k sim-lí
親像海鳥飛上天
tshin-tshiūnn hái -tsiáu pue tsiūnn-thinn
傷心話盡量講起
siong-sim-uē tsīn-liōng kóng-khí
一日像一年
tsi̍t-ji̍t tshiūnn tsi̍t-nî
重相逢在這海墘
tiông siong-hông tsāi tse hái-kînn
悲喜交集目屎滴
pi-hí kau-tsi̍p ba̍k-sái tih
自今夜歡歡喜喜
tsū kim -iā huann-huann-hí-hí
合唱青春詩
ha̍p-tshiùnn tshing-tshun si