露螺 歌詞
作詞：江惠儀
作曲：江惠儀
揹著我的行李欲來去揣一個原因揣一個意義
行過寒天聞到花香味揣一片白雲我欲問伊
天頂生作什麼模樣大家攏咧日思夢想
沓沓行啊行行啊行啊行
等看到彼片媠敢會找無路轉去
揹著我的行李欲來去揣一個原因揣一個意義
行過熱天聞到雨水味揣一隻鳥仔我欲問伊
你咧唱著佗一條歌大聲坦白你的心晟
詳細聽啊聽聽啊聽啊聽
對青春的年華唱到歲月的驚惶
我聽袂清世界的紛擾我行袂開現實的拖磨
驚啊驚啊驚對佗行痛啊痛啊痛誰人聽
日頭猶原毋捌會記我日子猶原無情咧走
我揹著沉重註定慢慢咧行一直行
欲行去佗位行到何時
-------------------------------- ----------
《露螺》Lōo-lê
江惠儀Kang Huī-gî
↓↓(口白)---(口白) ---(口白)↓↓
彼工我拄著一隻露螺
hit kang guá tú-tio̍h tsi̍t tsiah lōo-lê
伊問我講
i mn̄g guá kóng
是按怎逐家攏講
in-uī guá kóng sī-án-tsuánn ta̍k-ke lóng kóng
愛堅持愛拍拼
ài kian-tshî ài phah-piànn
是欲去佗咧
sī beh peh khì tueh--leh
我共伊講
guá kā-i kóng
怹講的所在
in kóng ê sóo-tsāi
就是上懸
tiō-sī siōng kuân
上接近天的所在
siōng tsiap-kīn thinn ê sóo-tsāi
猶毋過我的速度遐爾慢
iáu-m̄-koh, guá ê sok-tōo hiah-nī bān
煞當時會當到遐咧
suah tang-sî ē-tàng kàu hia--leh
呣. ..我想想咧
mh... guá siūnn-siūnn--leh
笑笑共伊講
tshiò-tshiò kā-i kóng
我毋知呢
guá m̄ -tsai--neh
因為我是一隻看袂著
in-uī guá sī tsi̍t-tsiah khuànn bē tio̍h
嘛聽袂著的露螺啊
mā thiann bē tio̍h ê lōo -lê--ah
↑↑(口白)---(口白)---(口白)↑↑
揹著我的行李
phāinn tio̍h guá ê hîng- lí
欲來去揣一個原因
beh lâi-khì tshuē tsi̍t-ê guân-in
揣一個意義
tshuē tsi̍t-ê ì-gī
行過寒天
kiânn kuè kuânn-thinn
鼻著花芳味
phīnn-tio̍h hue phang-bī
揣一片白雲
tshuē tsi̍t-phìnn pe̍h-hûn
我欲問伊
guá beh mn̄g i
天頂生做啥物模樣
thinn-tíng sinn-tsuè siánn-mih bôo-iūnn
逐家攏咧日思夢想
ta̍k-ke lóng teh ji̍t- su bāng-siūnn
沓沓行啊行
ta̍uh-ta̍uh kiânn--ah kiânn
行啊行啊行
kiânn--ahkiânn--ah kiânn
等看著彼片媠
tán khuànn-tio̍h hit phìnn suí
敢會揣無路轉去
kám ē tshuē-bô lōo tńg--khì
揹著我的行李
phāinn tio̍h guá ê hîng-lí
欲來去
beh lâi-khì
揣一個原因
tshuē tsi̍t-ê guân-in
揣一個意義
tshuē tsi̍t-ê ì-gī
行過熱天
kiânn kuè jua̍h-thinn
鼻著雨水味
phīnn-tio̍h hōo-tsuí bī
揣一隻鳥仔
tshuē tsi̍t-tsiah tsiáu-á
我欲問伊
guá beh mn̄g i
你咧唱著佗一條歌
lí teh tshiùnn tio̍h tó tsi̍t-tiâu kua
大聲坦白你的心情
tuā-siann thán-pe̍h lí ê sim-tsiânn
詳細聽啊聽
siông-sè thiann--ah thiann
聽啊聽啊聽
thiann--ah thiann--ah thiann
對青春的年華
tuì tshing-tshun ê nî-huâ
唱到歲月的驚惶
tshiùnn kàu suè-gua̍t ê kiann-hiânn
我聽袂清世界的紛擾
guá thiann buē tshing sè-kài ê hun-jiáu
我行袂開現實的拖磨
guá kiânn buē khui hiān-si̍t ê thua- buâ
驚啊驚啊驚
kiann--ah kiann--ah kiann
對佗行
tuì toh kiânn
疼啊疼啊疼
thiànn--ah thiànn- -ah thiànn
啥人聽
siánn-lâng thiann
日頭猶原毋捌會記我
ji̍t-thâu iu-guân m̄-bat ē-kì guá
日子猶原無情咧走
ji̍t-tsí iu-guân bô-tsîng leh tsáu
我揹著沉重
guá phāinn tio̍h tîm-tāng
注定慢慢咧行
tsù-tiānn bān-bān leh kiânn
一直行
it-ti̍t kiânn
欲行去佗位
beh kiânn khì tó-uī
行到何時
kiânn kàu hô-sî
