誰也不愛

台視E流刑警片頭曲
作詞：阿比
作曲：Tonny
編曲：Joyce/Stephens

我想要一人飲酒一人偷偷做夢你不通肖想我會給你一個希望
我甘願孤單等待阮的幸福人生女人的將來要自己去安排

雖然你生做真有風度古錐可愛只是我已經狠心決定誰也不愛
你不通黑白期待因為人生海海美滿的路途要自己走一次

NadiaAmo　過去的情天安排
NadiaAmo　舊相思已經不在
NadiaAmo　阮相信阮的人生中不通不通不通擱有擱有你的愛
NadiaAmo　過去的情天安排
NadiaAmo　舊情人已經不在
NadiaAmo　阮相信阮的人生中一定一定一定找到找到阮的愛

------ ------------------------------------

14474/《誰嘛無愛》 Siáng Mā Bô-ài
謝金燕Siā Kim-iàn

我想欲一個啉酒
guá siūnn-beh tsi̍t-ê lim-tsiú
一個偷偷做夢
tsi̍t-ê thau-thau tsuè-bāng
你毋通數想
lí m̄-thang siàu-siūnn
想我會予你一個希望
siūnn guá ē hōo lí tsi̍t-ê hi-bāng
我甘願孤單
guá kam-guān koo-tuann
等待阮的幸福人生
tán-thāi gún ê hīng-hok jîn-sing
女人的將來
lú-jîn ê tsiong -lâi
愛家己去安排
ài ka-kī khì an-pâi

雖然你生做
sui-jiân lí sinn-tsuè
真有風度
tsin ū hong-tōo
古錐可愛
kóo-tsui khó-ài
只是我已經
tsí-sī guá í-king
雄心決定誰嘛無愛
hiông-sim kuat-tīng siáng mā bô-ài
你毋通烏白期待
lí m̄-thang oo-pe̍h kî-thāi
因為人生海海
in-uī jîn-sing hái-hái
美滿的路途
bí-buán ê lōo-tôo
愛家己行一擺
ài ka-kī kiânn--tsi̍t-pái

Nadia Amo
過去的情
kuè-khì ê tsîng
天安排
thinn an-pâi
Nadia Amo
舊相思已經不在
kū siunn-si í-king put-tsāi
Nadia Amo
阮相信阮的人生中
gún siong-sìn gún ê jîn-sing-tiong
毋通毋通毋通
m̄-thang m̄-thang m̄-thang
閣有閣有你的愛
koh ū koh ū lí ê ài

Nadia Amo
過去的情
kuè-khì ê tsîng
天安排
thinn an-pâi
Nadia Amo
舊情人已經無在
kū-tsîng-jîn í-king bô tsāi
Nadia Amo
阮相信阮的人生中
gún siong-sìn gún ê jîn- sing-tiong
一定一定一定
it-tīng it-tīng it-tīng
揣著揣著阮的愛
tshuē-tio̍h tshuē-tio̍hgún ê ài