我的世界只有你

作詞：許富凱
作曲：張三
編曲：蘇通達

挾菜予你毋免山珍海味
你嘛仝款食甲笑咪咪
應喙應舌吐槽是鹹酸甜
因為相愛所以無禁忌

衫櫥拍開毋管一年四季
心情攏是雙雙閣對對
枕頭頂面全是你的氣味
講是討厭嘛已經慣勢

我的世界只有你
敢是紅線牽鬥陣
是神明來保庇
抑是天公相創治
予你做我今生的知己

我的世界只有你
我甲全部攏予你
毋管是啥物代誌
只要你平安歡喜
逐工會當笑咪咪
(就是)幸福的滋味
(幸福的滋味我的世界只有你)

許媽：人未到緣先到
許媽：緣粉掖低低
許爸：新郎足緊做老爸
許媽：緣粉掖懸懸
許爸：囝孫做狀元
許爸：來～新娘迒過火
以後存傢伙
許媽：入大廳
金銀財寶滿厝廳
許爸：踏瓦踏予碎碎碎喔
以後生囝大富大貴喔

兩支齒抿一支紅一支青
雙人世界清芳閣甘甜
一頂眠床一爿我一爿你
這世人就按呢過日子

許爸：啉茶啉予焦
祝恁趕緊生一個胖娃娃