菩提班校歌
三智才讓
菩提班校歌 歌詞
བྱང་ཆུབ་འཛིན་གྲྭའི་སློབ་གླུ།
ཚིག བྱང་སྲས་བློ་བཟང་ཡེ་ཤེས།
～X～
ནམ་མཁའ་སྔོ་ཞིང་། ཉི་འོད་ གསལ་བའི་ཡུལ་གྲུ་སྟེ།
གངས་རི་དཀར་ཞིང་། ཆུ་མོ་དྭངས་བའི་འཇིག་རྟེན་ཞིག
རྩྭ་ཐང་ཡངས་ཤིང་། མེ་ཏོག ་བཞད་པའི་ལྡུམ་ར་དང་།
ནགས་ཚལ་སྟུག་ཅིང་། དྲི་བསུང་འཐུལ་བའི་ཞིང་ཁ་ཡོད།
བྱང་ཆུབ་འཛིན་གྲྭ། འདི ་ནི་འུ་ཅག་གངས་རིའི་ཡུལ།
～X～
གནས་དེའི་ཁྱོད་ཀྱི་རིགས་ཀྱི་ཁྱུ་ཚོགས་ཀྱི། །
ལམ་ངོགས་སྟོར་ ཚེ་ལམ་གྱི་ས་མཁན་དང་། །
མེས་པོའི་རྫོངས་བ་མཐུག་པའི་རིག་པའི་ནོར། །
ང་ཚོས་ཅིས་ཀྱང་སྲོག་དང ་བསྡོས་ཏེ་སྲུངས། །
ཡར་རྒྱས་འདོད་ན། རང་སྐད་རང་ཡིག་སྲོག་ལ་རྩིས།
བདེ་ཐང་དགོས་ཚེ། སྤྲོད་བསྟེན་གཙང་ མས་ལུས་སེམས་གསོས།
བྱང་ཆུབ་འཛིན་གྲྭ། རེ་བ་ཆེན་པོས་ལམ་ལ་ལོངས།
～X～
བཙན་པོའི་སྙིང་སྟོབས་ སྤོབས་པའི་རྒྱགས་ཕྱེ་དང་། །
ཐོན་མིའི་བློ་གྲོས་ཤེས་རབ་འཕེལ་བའི་ནོམ། །
སྟོང་བཙན་ཐབས་ཇུས་སྒྱུ་ལས་ཐར ་བའི་ལམ། །
ལམ་ཁ་འདི་ཚོ་མདུན་སྐྱོད་ལམ་ཆེན་ཡིན། །
གཅེས་པའི་མིང་སྲིང་། དུས་རབས་འདི་ལ་རང་ འགོ་ཐོན།
མི་ཚེའི་སྙིང་པོ། ནང་དོན་རིག་པ་སློབ་པར་གྱིས།
ཡ་རབ་བསམ་སྤྱོད། སྙིང་དང་མིག་གི་ཚབ་ ཏུ་ཟུངས།
～X～
ལོ་ཟླ་དུ་མར་བརྩོན་པའི་གོམ་ཆེན་གྱིས། །
ས་སྒང་སྒལ་བར་ཕབ་པའི་ཞབས་རྗེས ་རེ། །
མཆོག་དམན་སྐྱེ་བོའི་ཡིད་ཀྱི་ཞིང་ས་རུ། །
བདེ་བ་སྩོལ་བའི་ཆར་དུ་འགྱུར་བ་དགོས། །
བྱང་ཆུབ་འཛིན་གྲྭ། འགོག་རྐྱེན་ཇི་ལྟར་ཆེ་ན་ཡང་།
ལམ་ལ་ཆས་ཟིན། འགྲེང་མ་ནུས་ཀྱང་གོག་འགྲོས་ཀྱིས།
ལོ་རྒྱུས་ངོས་སུ། མཛད་རྗེས་འབུར་དུ་བརྐོ་བར་སོང་།
སློབ་སྦྱོང་དོན་དུ། སྒྱིད་ལུག་མ་བྱེད་ཉིན་མཚན་ཀུན།
གཡེང་བ་མེད་པར། འབད་པ་རྡོ་རུས་ཐུག་པ་གྱིས།
ནམ་ཞིག་ཚེ་ན། ཁྱོད་ནི་ཉི་ཟླའི་འོད་ལས་གསལ།
འཕྲིན་ལས་སྣང་བས། ས་ཆེན་ཁྱབ་པའི་ལང་ཚོ་ནི།
ཚིག་གིས་མི་མཚོན། བསམ་མི་ཁྱབ་པའི་སྙན་ངག་ཡིན། (×2)
～X～
