予我困 歌詞
作詞：江惠儀
作曲：江惠儀
哪會愈行愈近煞愈生份
哪會走揣猶是揣無身份
只有搬著正確的模樣
滾絞佇袂倒轉的青春
也想欲改酒也想欲好困
只是錯誤的感受毋知按怎吞按怎吞
想欲窮分想欲怨恨
想欲接受其實也會窮分也會怨恨
掩崁的聲音按怎捘
暗暝的空虛按怎坉
我毋知應該按怎熥一時陣一時陣
無價的意志無準算
當掉的靈魂攏無䞐
就予我解脫予我困這時陣這時陣
一隻兩隻三隻四隻按怎算猶是算袂了
一杯兩杯三杯四杯按怎改猶是改袂掉
一改兩改三改四改想袂走猶毋放我煞
一暝兩暝三暝四暝想袂困哪會一直吼
