對面彼個少年家

《對面彼個少年家》Tuì-bīn Hit ê Siàu-liân-ke
文鶯Bûn-ing

對面彼個小姑娘
tuì-bīn hit ê sió-koo-niû
可愛嬌滴滴
khó-ài kiau-tih-tih
看起來十七八
khuànn--khí-lâi tsa̍p-tshit-pueh
青春正當時
tshing-tshun tsiànn- tong-sî
隔壁彼個少年家
keh-piah hit ê siàu-liân-ke
雖然有佮意
sui-jiân ū kah-ì
為怎樣到現在
uī-tsánn-iūnn kàu hiān-tsāi
毋敢講出喙
m̄-kánn kóng tshut-tshuì

隔壁彼個少年家
keh-piah hit ê siàu-liân -ke
想欲去問伊
siūnn-bueh khì mn̄g i
可惜伊無勇氣
khó-sioh i bô ióng-khì
不時吐大氣
put-sî thóo -tuā-khuì
迷人彼對烏目睭
bê-lâng hit tuì oo ba̍k-tsiu
含情佮帶意
hâm-tsîng kah tài-ì
害著伊心迷醉
hāi tio̍h i sim bê-tsuì
困也困袂去
khùn iā khùn buē khì

你若實在有佮意
lí nā si̍t-tsāi ū kah-ì
請你免細膩
tshiánn lí bián suè-jī
應該著提出來
ìng-kai tio̍h the̍h tshut-lâi
青春的勇氣
tshing-tshun ê ióng-khì
求情求愛著坦白
kiû-tsîng kiû-ài tio̍h thán-pe̍h
毋通驚歹勢
m̄-thang kiann pháinn-sè
包你會心歡喜
pau lí ē sim huann-hí
絕對無問題
tsua̍t-tuì bô būn-tuê