銃聲醫院

23106/《銃聲醫院》Tshìng-siann I-īnn
許富凱Khóo Hù-khái

來到林森北路
lâi-kàu Lîm-sim-pak-lōo
若是行毋知路
nā-sī kiânn m̄-tsai lōo
去予銃子拍著
khì hōo tshìng-tsí phah--tio̍h
送去佗位開刀
sàng khì tó- uī khui-to
遐以早叫做慶生醫院
hia í-tsá kiò-tsò Qìngshēng Yīyuàn
毋是咧替人慶生的醫院
m̄-sī teh thè lâng qìngshēng ê yīyuàn

社會走跳咧盤撋
siā-huē tsáu-thiàu teh puânn-nuá
拄著對方唱輸贏
tú-tio̍h tuì-hong tshiàng su-iânn
跤來手去無夠看
kha-lâi tshiú-khì bô-kàu khuànn
開山的刜甲規身軀汗
khai-san--ê phut kah kui-sin-khu kuānn

銃枝捎咧四界彈
tshìng-ki sa teh sì-kè tuānn
啥人慢死啥人贏
siánn-lâng bān sí siánn-lâng iânn
刀傷銃傷半條命
to-siong tshìng-siong puànn-tiâu miā
跤筋手筋䞐一半
kha-kin tshiú-kin tshun tsi̍t-puànn

以早處理社會盤
í tsá tshú-lí siā-huē-puânn
這馬處理姊妹仔伴
tsit-má tshú-lí tsí-muē-á-phuānn
幹焦醫美有咧看
kan-na yīměi ū teh khuànn
莫共兄弟送去遐
mài kā hiann-tī sàng khì hia

害著性命加拖磨
hāi-tio̍h sènn-miā ke thua-buâ
警察早慢會來看
kíng-tshat tsá-bān ē lâi khuànn
毋通激氣無愛命
m̄-thang kik-khuì bô-ài miā
人講毋聽
lâng kóng m̄-thiann
鬼牽硞硞行
kuí khan kho̍k-kho̍k kiânn

二四點鐘有咧看
jī-sì tiám-tsing ū teh khuànn
送去慶生免嫌晏
sàng khì Qìngshēng bián hiâm uànn
迒過死亡的界線
hānn kuè sí-bông ê kài-suànn
出院江湖繼續行
tshut- īnn kang-ôo kè-sio̍k kiânn

以早處理社會盤
í-tsá tshú-lí siā-huē-puânn
這馬處理姊妹仔伴
tsit-má tshú- lí tsí-muē-á-phuānn
幹焦醫美有咧看
kan-na yīměi ū teh khuànn
莫共兄弟送去遐
mài kā hiann-tī sàng khì hia

出來𨑨迌一條命
tshut-lâi tshit-thô tsi̍t-tiâu miā
逐家照品愛照行
ta̍k-ke tsiàu phín ài tsiàu kiânn
毋通求財無愛命
m̄-thang kiû tsâi bô-ài miā
人講毋聽
lâng kóng m̄-thiann
鬼牽硞硞行
kuí khan kho̍k-kho̍k kiânn

一命二運三風水
it miā jī ūn sann hong-suí
四積陰德五讀冊
sì tsik-im-tik gōo tha̍k-tsheh
六名七相八敬神
la̍k miâ tshit siòng peh kìng-sîn
九交貴人十養身
káu kau kuì-jîn tsa̍p ióng-sin
若是落塗有著時
nā-sī lo̍h-thôo ū tio̍h-sî
啥人甘願做兄弟
siánn -lâng kam-guān tsò hiann-tī
若是出門有夠媠
nā-sī tshut-mn̂g ū-kàu suí
啥人甘願走病院
siánn-lâng kam-guān tsáu pēnn- īnn

以早入去全全兄弟
í-tsá ji̍p-khì tsuân-tsuân hiann-tī
這馬入去小妹阿姊
tsit-má ji̍p-khì sió -muē a-tsí
以早入去流血流滴
í-tsá ji̍p-khì lâu-hueh-lâu-tih
這馬入去穿甲媠媠
tsit-má ji̍p -khì tshīng kah suí-suí

以早入去規身銃子
í-tsá ji̍p-khì kui-sin tshìng-tsí
這馬入去珠光寶氣
tsit-má ji̍p-khì zhūguāngbǎqì
以早出來
í-tsá tshut-lâi
江湖繼續拼生死
kang-ôo kè-sio̍k piànn-senn-sí
這馬出去
tsit -má tshut-khì
光鮮又亮麗
guāngxiān yòu liànglì
逐家幸福又happy
ta̍k-ke hīng-hok yòu happy

來到林森北路
lâi-kàu Lîm-sim-pak-lōo
若是行毋知路
nā-sī kiânn m̄-tsai lōo
去予銃子拍著
khì hōo tshìng-tsí phah--tio̍h
請你敲一一九
tshiánn lí khà yīyījiǔ
嗚嚶嗚
onn inn onn