查某囝 歌詞
作詞：謝銘祐
作曲：謝銘祐
一暝一寸阮的查某囝毋通踢被毋通受風寒
明仔載好天咱著四界行行穿你彼領新衫
嬰仔嬰嬰惜莫管日子焉怎搖
你是我的血我的袂當換的寶傳成咱的大河
貂蟬西施抑是七仙女佇我心內無人共你比
你的撒奶抑是你的受氣攏是我的安慰
父母親像天生成致蔭囝兒
你著困予甜好夢若是被驚醒免驚!阿爸佇遮
一工一工花蕊慢慢大花若欲開扭嘛扭袂行
毋管當時會換啥物人疼你是我的心肝仔囝
望你好名聲日後有人探聽
望你無病痛揣著你幸福的伴予我安心來行
-------------------- ----------------------
《查某囝》Tsa-bóo-kiánn
謝銘祐Siā Bîng-iū
一暝一寸阮的查某囝
tsi̍t-mî tsi̍t-tshùn gún ê tsa-bóo-kiánn
毋通踢被毋通受風寒
m̄-thang that-phuē m̄-thang siū hong-kuânn
明仔載好天咱著四界行行
mâ-á-tsài hó-thinn lán tio̍h sì-kè kiânn-kiânn
穿你彼領新衫
tshīng lí hit niá sin-sann
嬰仔嬰嬰惜
inn-á inn-inn sioh
莫管日子按怎搖
mài kuán ji̍t-tsí án-tsuánn iô
你是我的血
lí sī guá ê hueh
我的袂當換的寶
guá ê buē-tàng uānn ê pó
傳承咱的大河
thuân-sîng lán ê tuā-hô
貂蟬西施抑是七仙女
Tiau-siâm Se-si ia̍h-sī Tshit-sian-lí
佇我心內無人佮你比
tī guá sim-lāi bô-lâng kah lí pí
你的司奶抑是你的受氣
lí ê sai-nai ia̍h-sī lí ê siūnn-khì
攏是我的安慰
lóng-sī guá ê an-uì
爸母親像天
pē-bú tshin-tshiūnn thinn
生成致蔭囝兒
senn-sîng tì-ìm kiánn-jî
你著困予甜
lí tio̍h khùn hōo tinn
好夢若是被驚醒
hó-bāng nā-sī pī kiann tshínn
免驚
bián-kiann
阿爸佇遮
a-pah tī tsia
一工一工花蕊慢慢大
tsi̍t-kang tsi̍t-kang hue-luí bān-bān tuā
花若欲開
hue nā beh khui
搝嘛搝袂行
giú mā giú buē kiânn
毋管當時會換啥物人疼
m̄-kuán tang-sî ē uānn siánn-mih lâng thiànn
你是我的心肝仔囝
lí sī guá ê sim-kuann-á-kiánn
望你好名聲
bāng lí hó miâ-siann
日後有人探聽
ji̍t-āu ū-lâng thàm-thiann
望你無病疼
bāng lí bô pēnn-thiànn
揣著你幸福的伴
tshuē-tio̍h lí hīng-hok ê phuānn
予我安心來行
hōo guáan-sim lâi kiânn
望你無病疼
bāng lí bô pēnn-thiànn
揣著你幸福的伴
tshuē-tio̍h lí hīng-hok ê phuānn
予我安心來行
hōo guá an-sim lâi kiânn