萬惡窮為首

作詞：呂明光
作曲：古曲
編曲：麥皓輪

福心呢好心呢
施捨下發財錢呢俾過就身體健康
若果唔俾嘅呢都係身體健康嘅呢

真飢餓囉又淒涼呢
若果你係俾就快啲俾啦

你哋有乜燕窩魚翅餵施捨嚇啦
邊個好心啦祝你哋多財運
有錢掟十蚊餵你哋冇錢就掉兩銀
望求做點好心挽救我危共困
我經濟恐慌開餐都未有銀
頻頻撲撲為藉錢良朋成日又呻
話我專心揾佢笨施捨得嗰兩蚊鬧到暈

唉
開講話窮在路邊無人問
唉富在深山有遠親
唉一個人窮起上嚟
邊度有人啋你呀唉

我枉過此一生個天要我走個窮運
冇錢斷曬六親有錢就係貴人
我面對殘酷嘅社會最慘就係窮困
鬼叫我踎墩享福我實冇份
人情冷暖就算你死都無人憐憫
望各位施捨救難心感激各位大貴人