憲公勿語

當久當久以前不記得幾多年了
大國的北方出現一條龍
自佢出現開始就命中註定
幾千年要沒日沒夜去流浪
佢去過西山南河北湖
佢去過西江徽安南湖
佢去過南海東廣建福
背尾正來到這個高山國
日仔一日過一日翻山過嶺幾千年
身上的鱗片唔多知煞跌淨淨
就像歸身衫褲分自家脫到淨淨利利
遠遠看來就像一條大憲公
你好莫講語(講出來分人嫌)
你好藏起來(藏到土堆肚)
你好莫唱歌(唱出來沒人聽)
你好著領衫(捀就沒人知)

有一日的暗脯頭佢食飽想要屎
一堆靚靚的黃金屎
盲知裡囊到面紅吱喳唔出一窟屎
原來肚子焗一窟幾百年的陳年老屎啊
想佢識做過大國的皇帝
想佢識做過大國的土匪頭
想佢識做過別國的國王哪
背尾也做過高山國的總統總統總統
遇到那臭青就藏沒命囉
遇到那小水蛇就變自家人囉
也實在是當耐命被人剁斷一截身體
佢就屎刎扭一下又變截身體出來囉

風直吹目汁直流
沒人尊重佢沒人了解佢
一山過一山一嶺過一嶺
身上的鱗片沒掉了
骨氣尊嚴也被自家磨掉了
想要轉去那大國鱗片一片一片粘上去
還佢原來風神威猛的大龍
沒想到轉去還是命中註定
跌掉幾千年鱗片永久就尋不轉來
唔記得原來行通的路線(沒相關)
唔記得原來生到麼介樣(沒相關)
想要撈那窟屎出來(快出來)
就算做憲公也沒麼介關係
日子一日過一日來到高山國也三百年
做這沒骨氣的憲公也有幾百年了
這條龍不像龍
憲公不像憲公的蟲仔
到底自家算麼介東西

風直吹目汁直流
沒人尊重佢沒人了解佢
一山過一山一嶺過一嶺
身上的鱗片沒掉了
骨氣尊嚴也被自家磨掉了