走路有風

作詞：球球
作曲：林東松

孤單的坎坷路亂世中追求再相逢
笑看人生虛情烏雲伴明月
像花落地生命刻著一筆ㄧ畫
阮真正愛過真正愛過

找勇氣向前衝浮沉中衝出冷冰霜
淚飲人生悲情無伴來作夥
像雨在飛夢只剩飄零的風雪無通後悔抉棟後悔

千年風萬年風替阮阻擋戰火四方
閃閃的金光迷亂中有你的笑容

隨風飄飄來輕輕破開萬年波浪
飄泊人生為你驕傲搖搖擺擺走路有風
為你向前衝

世間的鴛鴦蝴蝶攏是愛作陣飛
愛流浪的你放阮一去不回
世間的鴛鴦蝴蝶攏是愛作陣飛
青春作弄只好一切隨風吹

--------------- ---------------------------

《行路有風》Kiânn-lōo Ū Hong
孫淑媚Sun Siok- bī

孤單的坎坷路
koo-tuann ê khám-khia̍t lōo
亂世中追求再相逢
luān-sè tiong tui-kiû tsài siong-hông
笑看人生虛情
tshiàu-khuànn jîn-sing hi-tsîng
烏雲伴明月
oo-hûn phuānn bîng-gue̍h
像花落地
tshiūnn hue lo̍h tē
性命刻著一筆一劃
sìnn-miā khik tio̍h tsi̍t-pit tsi̍t-ue̍h
阮真正愛過
gún tsin-tsiànn ài--kuè
真正愛過
tsin-tsiànn ài-- kuè

揣勇氣向前衝
tshuē ióng-khì hiòng-tsiân tshiong
浮沉中衝出冷冰霜
phû-tîm tiong tshiong tshut líng ping-song
淚飲人生悲情
luī ím jîn-sing pi-tsîng
無伴來做夥
bô phuānn lâi tsuè-hué
像雨咧飛
tshiūnn hōo teh pue
夢只䞐飄零的風雪
bāng tsí tshun phiau-lîng ê hong-seh
無通後悔
bô-thang hiō-hué
袂當後悔
buē-tàng hiō-hué

千年風
tshian-nî hong
萬年風
bān-nî hong
替阮阻擋戰火四方
thè gún tsóo-tòng tsiàn-hué sù-hong
閃閃的金光
siám-siám ê kim-kong
迷亂中有你的笑容
bê-luān tiong ū lí ê tshiò-iông

隨風飄飄來
suî hong phiau-phiau lâi
輕輕破開萬年波浪
khin-khin phuà-khui bān-nî pho-lōng
飄泊人生為你驕傲
phiau-po̍k jîn-sing uī lí kiau-ngōo
囂囂俳俳行路有風
hiau-hiau-pai-pai kiânn-lōo ū hong
為你向前衝
uī lí hiòng-tsiân tshiong

世間的鴛鴦蝴蝶
sè-kan ê uan-iunn ôo-tia̍p
攏是愛做陣飛
lóng-sī ài tsuè-tīn pue
愛流浪的你
ài liû -lōng ê lí
放阮一去不回
pàng gún it-khì put-huê

世間的鴛鴦蝴蝶
sè-kan ê uan-iunn ôo-tia̍p
攏是愛做陣飛
lóng-sī ài tsuè-tīn pue
青春作弄
tshing-tshun tsok-lōng
只好一切隨風吹
tsí-hó it-tshè suî hong-tshue