無情的電影

這首情歌是阮愛聽的歌哀怨的歌詞像底描寫你甲我雖然過去咱親像天星黏相偎如今袂凍擱再作陣走
緣份袂煞甘通繼續來扮演到最後阮變成傷心的苦旦舞台頂阮接受歌迷的掌聲舞台後的心痛誰知影
一幕幕親像無情的電影心酸只有寄在戲棚腳
無情的電影傷心的人嗯通看因為看過才知痛喊救命
無情的電影相愛的人嗯通驚因為愛過才知將你惜命命

------------------ ------------------------

6628/《無情的電影》Bô-tsîng ê Tiān-iánn
林子娟Lîm Tsú-kuan

這首情歌是阮愛聽的歌
tsit siú tsîng-kua
sī gún ài thiann ê kua
哀怨的歌詞
ai-uàn ê kua- sû
像咧描寫你佮我
tshiūnn teh biô-siá lí kah guá
雖然過去
sui-jiân kuè-khì
咱親像天星黏相倚
lán tshin -tshiūnn thinn-tshinn liâm-sio-uá
如今袂當閣再做陣行
jû-kim buē-tàng koh-tsài tsuè-tīn kiânn

緣份欲煞
iân-hūn bueh suah
敢通繼續來搬
kám thang kè-sio̍k lâi puann
演到最後
ián kàu tsuè-āu
阮變成傷心的苦旦
gún piàn -sîng siong-sim ê khóo-tuànn
舞台頂
bú-tâi tíng
阮接受歌迷的掌聲
gún tsiap-siū kua-bê ê tsióng-siann
舞台後的心疼
bú-tâi āu ê sim-thiànn
誰知影
siáng tsai-iánn
一幕幕親像無情的電影
tsi̍t-bōo-bōo tshin-tshiūnn bô-tsîng ê tiān -iánn
心酸只有寄在戲棚跤
sim-sng tsí-ū kià tsāi hì-pênn-kha

無情的電影
bô-tsîng ê tiān-iánn
傷心的人毋通看
siong-sim ê lâng m̄-thang khuànn
因為看過
in-uī khuànn--kuè
才知疼
tsiah tsai thiànn
喝救命
huah kiù-miā
無情的電影
bô-tsîng ê tiān-iánn
相愛的人毋通驚
siong-ài ê lâng m̄-thang kiann
因為愛過
in-uī ài--kuè
才知將你惜命命
tsiah tsai tsiong lí sioh-miā-miā