容易受伤的女人

现在将来　你都一直系　喺我心里面占一席位

现在将来　你都一直系　喺我心里面占一席位

现在将来　你都一直系　喺我心里面占一席位

现在将来　你都一直系　喺我心里面占一席位

有今生　无来世　你我无分

我讲紧　系含辛茹苦嘅母亲

细细个　我爸爸已经离开咗

得返细佬妹几个　仲有你同我

有好多好多个你唔喺度嘅夜晚

照顾细佬妹我被逼学识煮晚饭

学识洗衫　学识换床单

你无望过我一眼　因为每一晚　你都要加班

好少机会坐低　同你慢慢倾计

但我知道你系　好多野收喺心底

你紧张我地　远远多过你自己

就晒我哋口味　当自己系后备

粗糙嘅双手　心里面嘅伤口

无谂过报酬　有眼泪你将佢倒流

生日唔应该系庆祝我嘅出世

应该系　纪念你好辛苦咁生我出嚟

现在将来　你都一直系　喺我心里面占一席位

现在将来　你都一直系　喺我心里面占一席位

现在将来　你都一直系　喺我心里面占一席位

现在将来　你都一直系　喺我心里面占一席位

你从来唔会讲　你个心有几伤

但我见到你喺房　喊湿咗纸巾几张

你一个养大我哋三个细路仔

转嚟嘅系　你额头上面嘅几条路轨

你挨艰抵夜编织独家嘅温暖牌

仲话只系母亲嘅天职　我听见心都暖埋

我谂你嘅勇敢　系最具美感

天跌落嚟　你笑住咁话当被冚

你成日话　如果喺出面比人虾

返嚟屋企啦　起码仲有我呢个阿妈

你成日担心　我哋会受到伤害

你选择单身　一个人去建立我哋嘅将来

担心我哋学坏　担心喺学运会落败

担心我哋出夜街　担心我哋比人拐带

我记得你成日话　虽然屋企好细

只要我哋一家　人齐亲情系最宝贵

现在将来　你都一直系　喺我心里面占一席位

现在将来　你都一直系　喺我心里面占一席位

现在将来　你都一直系　喺我心里面占一席位

现在将来　你都一直系　喺我心里面占一席位

每当我唔开心　你会想办法氹返我

你话好感谢神　安排咗你去生我

你收工几攰都好　返屋企第一件事

就系拥抱　然后陪我哋睇电视

我好感激你　不过无亲口对你讲

我将我嘅心意　写成歌词　然后放喺你房

希望　你明白我并唔系变咗

我依然系我　虽然笑容系唔见咗

可能因为　工作关系　少咗机会见你

你话我细细个已经系神龙见首不见尾

同以前一样　你依然系咁醒训

同以前一样　我同你都系似足个饼印

唔想令你哭成泪人　满面泪痕

所以我要保护呢个容易受伤嘅女人

今次我要用歌词　去表达我嘅心声

一个押韵　代表一朵康乃馨

现在将来　你都一直系　喺我心里面占一席位

现在将来　你都一直系　喺我心里面占一席位

现在将来　你都一直系　喺我心里面占一席位

现在将来　你都一直系　喺我心里面占一席位