彼一年的夏天
办桌二人组 (Pan toh Ji jin tsoo)
彼一年的夏天 歌词
作词：李岩修
作曲：徐嘉良
编曲：徐嘉良
你甘会记彼一年 天气热到抹喘气
尚爱西北雨 一阵爽快透心脾
你甘会记彼一年 青春爆发的夏天
咱拢爱着伊 为著友情拢放弃
时间已经经过这多年 我拢无你的消息
不知如今你是置叨位 甘会将我放抹记
分开彼年的夏天 我淋著雨来找你
我讲你千万 呒倘将我放抹记
------------------------------------------
13058/《彼一年的热天》Hit Tsi̍t-nî ê Jua̍h-thinn
办桌二人组Pān-toh Jī-jîn-tsoo
你敢会记彼一年
lí kám ē-kì hit tsi̍t-nî
天气热到袂喘气
thinn-khì jua̍h kah buē tshuán-khuì
上爱西北雨
siōng ài sai-pak-hōo
一阵爽快透心脾
tsi̍t-tsūn sóng-khuài thàu sim-pî
你敢会记彼一年
lí kám ē-kì hit tsi̍t-nî
青春爆发的热天
tshing-tshun po̍k-huat ê jua̍h-thinn
咱拢爱着伊
lán lóng ài-tio̍h i
为著友情拢放弃
uī-tio̍h iú-tsîng lóng hòng-khì
时间已经
sî-kan í-king
经过遮济年
king-kuè tsiah tsuē nî
我拢无你的消息
guá lóng bô lí ê siau-sit
毋知如今
m̄-tsai jû-kim
你是伫佗位
lí sī tī tó-uī
敢会将我放袂记
kám ē tsiong guá pàng-buē-kì
分开彼年的热天
hun-khui hit nî ê jua̍h-thinn
我淋著雨来揣你
guá lâm tio̍h hōo lâi tshuē lí
我讲你千万
guá kóng lí tshian-bān
毋通将我放袂记
m̄-thang tsiong guá pàng-buē-kì