楚楚春梦痴痴心

《楚楚春梦痴痴心》Tshóo-tshóo Tshun-bāng Tshi-tshi-sim
叶启田Ia̍p Khé-tiân

暗淡的青红灯光
àm-tām ê tshinn-âng-ting-kng
照落酒家内
tsiò lo̍h tsiú-ka lāi
酒女是一个一个
tsiú-lú sī tsi̍t-ê tsi̍t-ê
期待人客来
kî-thāi lâng-kheh lâi
毋知伊为著啥物对遮来
m̄-tsai i uī-tio̍h siánn-mih tuì tsia lâi
毋知伊怎样坠落烟花界
m̄-tsai tsánn-iūnn tuī-lo̍h ian-hua-kài
看着伊
khuànn-tio̍h i
偷偷拭著悲伤目屎
thau-thau tshit tio̍h pi-siong ba̍k-sái

满腹的痛苦悲哀
muá-pak ê thòng-khóo pi-ai
啥人嘛了解
siánn-lâng mā liáu-kái
何必著一摆一摆
hô-pit tio̍h tsi̍t-pái-tsi̍t-pái
逼伊讲出来
pik i kóng--tshut-lâi
一定是
it-tīng sī
受着环境来所害
siū-tio̍h khuân-kíng lâi sóo hāi
一定是
it-tīng sī
被逼踏入酒场内
pī pik ta̍h-ji̍p tsiú-tiûnn lāi
看着伊予人侮辱
khuànn-tio̍h i hōo-lâng bú-jio̍k
犹原忍耐
iu-guân jím-nāi

酒女的生活
tsiú-lú ê sing-ua̍h
本是面笑心悲哀
pún sī bīn tshiò sim pi-ai
苦酒是一杯一杯
khóo-tsiú sī tsi̍t-pue-tsi̍t-pue
啉落腹肚内
lim lo̍h pak-tóo-lāi
想欲来为伊
siūnn-beh lâi uī i
救出著苦海
kiù tshut tio̍h khóo-hái
想欲来对伊
siūnn-beh lâi tuì i
表示阮心内
piáu-sī gún sim-lāi
愿为伊牺牲
guān uī i hi-sing
为伊拍算将来
uī i phah-sǹg tsiong-lâi