Intro (七年)

等咗七年等到今日 终于推出专辑
对Hip Hop嘅专一 七年从来冇变质
面对残酷嘅现实 即使前线告急
仍踏住坚毅步伐 我百折不屈
不为得与失 不求名利同阶级
只求将梦想变成事实 一切都系为咗今日
即使呢刻系末日 我嘅生命要即刻消失
死而无憾 因为我过得充实
你根本冇嘢好怕 我唔会俾Hip Hop倒下
从来冇空口讲白话 行动将理念实体化
呢张专辑会传递信念嘅火把
我嘅血汗会燃烧青春嘅火花
当我将痛苦留俾自己 再将最好送俾你
比起伟大 我仲有遥远距离
既然我担起梦想嘅大旗
为咗Hip Hop同你哋 我发誓绝不放弃绝不逃避
用最自大嘅语气讲要建立我嘅天与地
用最崇高嘅志气讲我会Hip Hop直至死
我为香港所有Hip Hop同道感到自豪
我希望你哋为我嘅Hip Hop之路感到骄傲
台上嘅照做 台下会叫好
想建造Hip Hop乐土 唔需要乐谱
全新嘅角度 全新嘅理想国度 由你我去打造
困难永远无法将我哋打倒
历时七年尝试 跌倒无限次
我再试 我知我一样可以
终于有一次 当流行起义
流行反击战将会改写香港Hip Hop历史