乐坛风云

编曲：陈奂仁
监制：温拿/陈奂仁


漫漫长夜 aoh-o~~ 好多人投诉
跌咗本簿 aoh-o~~ 搵乜都冇
咪怪我日日微博 只怪我最爱音乐
咪怪我结他得个壳 佢弹嘅系最好嘅音乐
咪hea爆挂住瞓晏觉 出街之前帮只狗笠返个口罩
日子耐咗棚牙会冇咁哨 唔见咗嘢马上周围乱咁摷
好多雀仔乱咁飞

从前这乐坛 有好多嘢玩
楼下有好多女歌迷 帮我哋织冷衫
从前出唱片 啲人即刻翻版
而家cheap得过鸡蛋 周街mp3

咪怪我日日微博 只怪我最爱音乐
咪见个女仔好鬼索 佢偷咗你支可乐
人生苦短几十年 难得个个先苦後甜
到依家仲系勇往直前 有边个会记得我哋曾经食过榴槤丫
好多雀仔乱咁飞

从前这乐坛 有好多嘢玩
有好多嘅歌迷 帮我哋担担担
从前出唱片 啲人即刻翻版
而家cheap得过鸡蛋 周街mp3

而家啲人好似好心急 一步登天你话得唔得
出嚟千祈唔可以乱咁噏 讲错说话又怕俾人扑湿
做新人边可以懒到出汁 应该用吸星大法吸得就吸
初出道咪挂住依依泣泣 做咗天王你就乜都得
好多雀仔乱咁飞

从前这乐坛 好似冇咁惨
无论有几多咁艰难 啲歌高几班
从前出唱片 (永冇失礼) 啲人即刻翻版 (真系好曳)
而家cheap得过鸡蛋 (睇到心翳) 周街mp3 (免费免费)

从前这乐坛 (乜都肯制) 有好多嘢玩 (有得几曳)
楼下有好多女歌迷 (永冇失礼) 帮我哋织冷衫 (永冇乱吠)
从前出唱片 (永冇失礼) 啲人即刻翻版 (真系好曳)
而家cheap得过鸡蛋 (睇到心翳) 周街mp3
搵差人拉佢丫 拉佢老翻丫
好呀 好呀