彼暝的咒诅

作词：叶文德 萧进惠
作曲：叶文德 萧进惠

到底啥么人治我梦中唱情歌 唱甲我的心这痛
到底啥么人梦中温柔的笑声 笑我若会这孤单
按怎你不放我煞 夜夜跑来折磨我 到底你是欲要啥
甘讲要我为你无性命 你用上介高强的手段
趁我无准备偷偷离开我 梦中的情歌 愈唱 心愈痛
原来是你彼瞑的咒注 你用上介温柔的笑声
走入我的梦中来 取笑我
爱情这二字忘记按怎写
原来伊嘛早就跟你走 跟你走

------------------------------------------

9118/《彼暝的咒誓》Hit Mî ê Tsiù-tsuā
郑君威Tēnn Kun-ui

到底啥物人
tàu-té siánn-mih lâng
伫我梦中唱情歌
tī guá bāng-tiong tshiùnn tsîng-kua
唱甲我的心遮疼
tshiùnn kah guá ê sim tsiah thiànn
到底啥物人
tàu-té siánn-mih lâng
梦中温柔的笑声
bāng-tiong un-jiû ê tshiò-siann
笑我哪会遮孤单
tshiò guá ná ē tsiah koo-tuann

按怎你毋放我煞
án-tsuánn lí m̄ pàng guá suah
夜夜走来折磨我
iā-iā tsáu-lâi tsiat-buâ guá
到底你是欲爱啥
tàu-té lí sī beh ài siánn
敢讲爱我为你无性命
kám-kóng ài guá uī lí bô sìnn-miā

你用上盖高强的手段
lí iōng siōng-kài ko-kiông ê tshiú-tuānn
趁我无准备
thàn guá bô tsún-pī
偷偷离开我
thau-thau lī-khui guá
梦中的情歌
bāng-tiong ê tsîng-kua
愈唱心愈疼
jú tshiùnn sim jú thiànn
原来是你彼暝的咒誓
guân-lâi sī lí hit mî ê tsiù-tsuā

你用上盖温柔的笑声
lí iōng siōng-kài un-jiû ê tshiò-siann
行入我的梦中
kiânn-ji̍p guá ê bāng-tiong
来耻笑我
lâi thí-tshiò guá
爱情这两字
ài-tsîng tse nn̄g-jī
袂记按怎写
buē-kì án-tsuánn siá
原来伊
guân-lâi i
嘛早就缀你行
mā tsá tiō tuè lí kiânn
缀你行
tuè lí kiânn