歹路不可行
洪荣宏 (Chris Hung)
歹路不可行 歌词
作词：黄敏
作曲：黄敏
歹路不可行 不可做歹子
父母疼咱那生命 不可给伊心疼痛
不可虚荣爱名声 为著前途爱打拼
苦口良言著爱听 歹路千万不可行
父母辛苦来饲子 希望子儿做好子
黑暗江湖拼生命 真是给人心疼痛
回头是岸向前行 不可搁再做歹子
看人有钱有名声 不可想讲咱歹命
命运不是天注定 著爱自己来打拼
暂时失败不免惊 到尾仔才会知输赢
歹路不可行 不可做歹子
6487/《歹路毋通行》Pháinn-lōo M̄-thang Kiânn
洪荣宏Âng Îng-hông
歹路毋通行
pháinn-lōo m̄-thang kiânn
毋通做歹囝
m̄-thang tsuè-pháinn kiánn
爸母疼咱若性命
pē-bú thiànn lán ná sìnn-miā
毋通予伊心痛疼
m̄-thang hōo i sim thàng-thiànn
毋通虚荣爱名声
m̄-thang hi-îng ài miâ-siann
为著前途爱拍拼
uī-tio̍h tsiân-tôo ài phah-piànn
苦口良言著爱听
khóo-kháu liông-giân tio̍h-ài thiann
歹路千万毋通行
pháinn-lōo tshian-bān m̄-thang kiânn
爸母辛苦来饲囝
pē-bú sin-khóo lâi tshī kiánn
希望囝儿做好囝
hi-bāng kiánn-jî tsuè hó-kiánn
乌暗江湖拼性命
oo-àm kang-ôo piànn-sìnn-miā
真是予人心痛疼
tsin sī hōo-lâng sim thàng-thiànn
回头是岸向前行
huê-thiô sī-gān hiòng-tsiân kiânn
毋通阁再做歹囝
m̄-thang koh-tsài tsuè-pháinn kiánn
看人有钱有名声
khuànn-lâng ū-tsînn ū miâ-siann
毋通想讲咱歹命
m̄-thang siūnn-kóng lán pháinn-miā
命运毋是天注定
miā-ūn m̄-sī thinn tsù-tiānn
著爱自己来拍拼
tio̍h-ài tsū-kí lâi phah-piànn
暂时失败毋免惊
tsiām-sî sit-pāi m̄-bián kiann
到尾仔才会知输赢
kàu bué--á tsiah ē tsai su-iânn
歹路毋通行
pháinn-lōo m̄-thang kiânn
毋通做歹囝
m̄-thang tsuè-pháinn kiánn